जनकपुरधाम। मधेश प्रदेशसभा सभामुख रामचन्द्र मण्डल पदमुक्त भएपछि उपसभामुख बबिता राउत इशरको पहलमा बसेको सर्वदलीय बैठकले मण्डलको कार्यकालमा नियुक्त भएका करार कर्मचारी हटाउने निर्णय गरेको छ।
बैठकले बुधबार सभामुखविरुद्धको महाअभियोगको विश्वासप्रस्तावमाथि छलफल गर्न बोलाइएको बैठकअघि प्रदेशसभा भवनको विद्युत् आपूर्ति रोकिएको घटनाबारे छानबिन गर्न प्रहरी प्रशासनलाई आग्रह गर्ने निर्णय पनि गरेको छ।
ADVERTISEMENT
यससँगै महाअभियोग प्रस्ताव दर्तादेखि प्रस्ताव पारित हुनासम्म प्रक्रियामा असहयोग गरेको आरोप लागेका प्रदेशसभा सचिवालयका कर्मचारीहरूलाई स्पष्टीकरण माग्ने निर्णय सर्वदलीय बैठकले गरेको एक सांसदले जानकारी दिए।
बैठकमा विवादित मुख्यमन्त्रीसमेत रहेका एमाले संसदीय दलका नेता सरोजकुमार यादवसहित सबै दलका प्रतिनिधिहरू सहभागी भएका थिए।
