वीरगन्ज । वडा प्रहरी कार्यालय विर्ताबाट सरुवा भएका प्रहरी निरीक्षक निरोज चौलागाईंको नागरिक अभिनन्दन गरेको छ । चौंलागाईलाई उनको सफल कार्यकालको कदर गर्दै यहाँका स्थानीय बासिन्दा, जनप्रतिनिधि तथा विभिन्न संघसंस्थाहरूले भव्य नागरिक अभिनन्दनसहित विदाई गरेका हुन्।
चौलागाईंले १३ महिनाको अवधिमा विर्ता क्षेत्रमा शान्ति, सुरक्षा र अमन–चयन कायम गर्न उल्लेखनीय योगदान पुर्याएको भन्दै उनको सम्मानमा विर्ता चोकमा एक विशेष कार्यक्रम आयोजना गरिएको थियो। स्थानीय समाज, जनप्रतिनिधि र विभिन्न संघसंस्थाको संयुक्त पहलमा आयोजित उक्त कार्यक्रममा चौलागाईंलाई प्रशंसापत्र र मायाको चिनो प्रदान गरिएको थियो।
कार्यक्रममा सहभागीहरूले प्रहरी निरीक्षक चौलागाईंको कार्यशैलीको प्रशंसा गर्दै उनले यस क्षेत्रमा अपराध नियन्त्रण र जनता(प्रहरी सम्बन्ध सुदृढ बनाउन खेलेको भूमिका अतुलनीय रहेको बताए। हाल प्रहरी निरीक्षक चौलागाईंको प्रहरी प्रधान कार्यालय, अपराध अनुसन्धान महाशाखामा सरुवा भएको छ।
उनी नयाँ जिम्मेवारीका लागि प्रस्थान गर्नुअघि स्थानीयको तर्फबाट गरिएको यो सम्मानले उनको कार्यकालको उच्च मूल्यांकन भएको देखिन्छ। चौलागाईंले विर्तामा पाएको सहयोग र मायाका लागि सबैलाई धन्यवाद दिँदै आफ्नो नयाँ जिम्मेवारीमा पनि थप लगनशीलताका साथ काम गर्ने प्रतिबद्धता व्यक्त गरे।
