पर्सा। सशस्त्र प्रहरी बलको टोलीले पाँच किलोग्राम प्रतिबन्धित गाँजा र एक थान मोटरसाइकलसहित दुई जना युवकलाई पक्राउ गरेको छ। सशस्त्र प्रहरी बल प्रस्तावित गुल्म अलौंको मातहतमा रहेको बोर्डर आउट पोष्ट (बिओपी) अमरपट्टी झौवाबाट खटेको टोलीले विशेष सूचनाका आधारमा उनीहरूलाई पक्राउ गरेको हो।
नेपालबाट भारततर्फ जाँदै गरेको ना १३ प ४६१८ नम्बरको यामाहा कम्पनीको ुएल्बोु मोटरसाइकल चेकजाँच गर्दा शरीर र मोटरसाइकलको सिटमुनि लुकाएर तस्करी गर्न लागिएको अवस्थामा गाँजा फेला परेको थियो।
पक्राउ पर्नेहरूमा पर्सागढी नगरपालिकाका २९ वर्षीय गोपाल यादव र जगरनाथपुर गाउँपालिकाका १९ वर्षीय गौतम पटेल रहेका छन्।
अम्मरपट्टी झौवा बिओपी प्रमुख सशस्त्र प्रहरी निरीक्षक कृष्ण बहादुर केसीको नेतृत्वमा खटिएको टोलीले उनीहरूलाई नियन्त्रणमा लिएको हो।
अलौं प्रस्तावित गुल्मका गुल्मपति डीएसपी कृष्ण पुजाराले दिएको जानकारी अनुसार, पक्राउ परेका व्यक्तिहरूको साथबाट ५ किलोग्राम गाँजा, एक थान मोटरसाइकल, दुई थान मोबाइल फोन र नगद रु। ४,४३० समेत बरामद भएको छ।
पक्राउ परेका दुवै जनालाई आवश्यक कारबाहीका लागि नेपाल प्रहरीको जिम्मा लगाइएको डीएसपी पुजाराले जानकारी दिए।
