काठमाडौं । गृहमन्त्री रमेश लेखकको राजीनामा माग गर्दै विपक्ष दलका सांसदहरूले अवरोध गरेपछि संसद स्थगित भएको बेला सडकमा पनि प्रदर्शन सुरु भएको छ।
भिजिट भिसा प्रकरणमा मुछिएका गृहमन्त्री लेखकको राजीनामा माग गर्दै मंगलबार माइतीघर मण्डलमा अखिल क्रान्तिकारी, अखिल समाजवादी, अनेरास्ववियू, युवा संघ नेपाल, योङ कम्युनिष्ट लिग र युवा संगठनले संयुक्त रुपमा प्रदर्शन गरेका हुन्।
ADVERTISEMENT
उनीहरूले ‘नालायक गृहमन्त्री राजीनामा दे, भ्रष्ट गृहमन्त्री राजीनामा दे, दलाल सरकार मुर्दावाद, भिजिट भिसा काण्डको निष्पक्ष छानबिन गर’ लगायतका नारा लगाएका थिए।
