काठमाडौं। रत्नपार्कदेखि सूर्यविनायकसम्म द्रुत बस सेवा सञ्चालन गर्ने नाममा २ करोड ३५ लाख ५९ हजार रुपैयाँ खर्च भएको पाइएको छ। काठमाडौं उपत्यकाको सवारी चाप र ट्राफिक जाम व्यवस्थापन गर्न केही दिन मात्र सञ्चालनमा आएको यो सेवा अहिले बन्द छ।
महालेखापरीक्षकको कार्यालयको ६२औँ प्रतिवेदनअनुसार, पर्याप्त अध्ययन विश्लेषणबिना द्रुत बस सेवा सुरु गर्दा राज्यकोषको खर्च मात्र बढेको औंल्याइएको छ। प्रधानमन्त्री तथा मन्त्रिपरिषद्को कार्यालयको निर्देशनमा यो सेवा सुरु गरिएको थियो।
प्रतिवेदनमा उल्लेख भएअनुसार, लेन मार्किङ र ट्राफिक सेफ्टीसम्बन्धी काममा सडक विभागबाट लाख हजार रुपैयाँ, सडक डिभिजन कार्यालय काठमाडौंबाट लाख हजार रुपैयाँ र सूर्यविनायक–धुलिखेल सडक योजना कार्यालयबाट करोड लाख हजार रुपैयाँ गरी कुल करोड लाख हजार रुपैयाँ खर्च भएको छ।
“कोटेश्वर लगायतका स्थानमा डेडिकेटेड लेन नै बन्द गरेकाले द्रुत बस सेवा हाल सञ्चालनमा छैन। पर्याप्त अध्ययन विश्लेषण बेगर कार्यक्रम सञ्चालन भएकोले उक्त सेवा निरन्तर भएको पाइएन। प्रतिफल प्राप्त हुने सुनिश्चितताको आधारमा मात्र खर्च गर्नुपर्दछ,” प्रतिवेदनमा भनिएको छ।
