काठमाडौं । माओवादी केन्द्रका उपमहासचिव एवं पूर्वअर्थमन्त्री वर्षमान पुनले विचौलिया प्रवृत्ति अन्त्य नभएसम्म देशको अर्थतन्त्र थप संकटमा पर्ने चेतावनी दिएका छन्।
बिहीबार राजधानीमा आयोजित पूर्वबजेट छलफल कार्यक्रममा बोल्दै उनले राजनीतिक नेतृत्व र राज्य संयन्त्रलाई प्रभावमा पारेर अर्थतन्त्रमा एकाधिकार र मिलेमतो गर्ने आसेपासे प्रवृत्तिलाई आफूहरूले बिचौलिया भन्ने गरेको स्पष्ट पारे।
ADVERTISEMENT
उनले भने, ‘हामीले बिनालगानी राजनीतिक नेतृत्व र राज्य संयन्त्रलाई प्रभावमा पारेर फाइदा लिने प्रवृत्तिलाई बिचौलिया भनेका हौं। कुनै दल, नेता वा व्यक्तिलाई लक्षित गरेका होइनौं। यो प्रवृत्ति परिवर्तन नगरेसम्म आर्थिक सुधार सम्भव छैन।’
बिचौलिया प्रवृत्तिलाई रोक्न नसके मुलुकले आर्थिक रूपमा अझै नराम्रो अवस्थाको सामना गर्नुपर्नेमा पुनले जोड दिए।
