वीरगन्ज । स्व.नरेश स्मृति पत्रकारित परिकारिता पुरस्कार पत्रकार मनोज पटेललाई प्रदान गर्ने भएको छ । समाजवादी प्रेस संगठन नेपाल, पर्साको बुधबार वीरगंजमा सम्पन्न तेस्रो बैठकले नेपाल पोष्ट डेलीका सम्पादक मनोज कुमार पटेललाई प्रदान गर्ने निर्णय गरेको हो ।
संगठनका अध्यक्ष शम्भु कुमार सुमनको अध्यक्षतामा बसेको बैठकले पत्रकारिता पुरस्कार वितरणको लागि नाम छनौट समितिको सिफारिसको आधारमा विगत डेढ दशकदेखि पत्रकारिता क्षेत्रमा क्रियाशिल रहेका संगठनका केन्द्रीय सदस्य पत्रकार पटेललाई पुरस्कार दिने निर्णय भएको संगठन पर्साका सह सचिव श्याम सर्राफले जानकारी दिए ।
२१ हजार रुपैया राशिको पुरस्कार संगठनले मंसिर १६ गते आईतबारका दिन आयोजना गर्ने दोस्रो स्मृति सभामा वितरण गर्ने सहसचिव सर्राफले बताए । यसैगरी बैठकले संगठन पर्साका उपाध्यक्ष हरिशंकर शर्मालाई प्रहरीले नियन्त्रणमा लिएको घटनाको प्रकृति हेर्दा र विभिन्न दृष्टिकोणले उनलाई सुनयोजित तरिकाले फसाइएको बैठकको निष्कर्ष छ ।
साथै बैठकले घटनाको निष्पक्ष छानविन गर्न प्रहरीलाई आग्रह गर्ने निर्णय गरेको छ । बैठकमा संगठनका केन्द्रीय सचिव बृजलाल पासवान, केन्द्रीय सदस्य मनोज पटेल, सल्लाहकार संजय साह, जिल्ला उपाध्यक्ष रमा थामी, सचिव विनोद पटेल, कोषाध्यक्ष संतोष साह, सदस्यहरु श्याम पासवान, धर्मेन्द्र यादव, जितेन्द्र यादव, श्रवण साह, अमोद शर्मा, सरोज पटेल, प्रदिप साह लगायतको उपस्थिति रहेको थियो ।
