वीरगन्ज । हाेटल तथा पर्यटन व्यावसायी संघ वीरगन्जले विश्व पर्यटन दिवसकाे अवसरमा पाहुनालाई स्वागत गरेकाे छ ।
संघका अध्यक्ष हरि पन्तको अध्यक्षतामा भएको कार्यक्रममा भारतीय पर्यटकहरूलाई स्वागत गरेकाे हाे ।
कार्यक्रममा प्रमुख अतिथि सशस्त्र प्रहरी बल नेपाल नम्बर १३ गण हेडक्वाटर पर्साका सशस्त्र प्रहरी उपरीक्षक राधेश्याम धिमाल, नेपाल पत्रकार महासंघका केन्द्रीय सचिव दीपेन्द्र चाैहान, पर्सा उपाध्यक्ष युवराज खड्का लगायतले भारतबाट नेपालकाे धार्मिक यात्रामा आएका बाबाहरूलाई अबिर, माला लगाई दही खुवाएर स्वागत गरेका थिए ।
कार्यक्रममा मन्तव्य राख्दै नेपाल पत्रकार महासंघका सचिव दीपेन्द्र चाैहानले नेपालमा आउने सबैभन्दा बढी पर्यटक भारतबाटै आउने र त्यसमा पनि वीरगन्ज नाका मुख्य रहेकाेले यहाँबाट भित्रिने पर्यटकहरूलाई स्वागत गरेर संघले प्रशंसा गरे ।
कार्यक्रममा हाेटल तथा पर्यटन व्यावसायी संघका सल्लाहकार पशुपति बिक्रम शाहले नेपालकाे धार्मिक पर्यटनकाे विकासका लागि दुशलाई हिन्दु राष्ट्र घाेषणा गर्नुपर्ने बताए ।
अध्यक्ष हरि पन्तले हरेक विश्व पर्यटन दिवसकाे अवसरमा नाकामा पर्यटकलाई स्वागत गरिने गरिएकोले यस पटक पनि कार्यक्रमलाई निरन्तरता दिएकाे बताए । कार्यक्रममा हाेटल तथा पर्यटन व्यावसायी संघका बरिष्ठ उपाध्यक्ष रचिन्द्र थापा, महासचिव माधव बस्नेत लगायत कार्यसमिति सदस्यहरू र सञ्चारकर्मीहरूकाे उपस्थिति रहेकाे थियाे ।
