वीरगन्ज । वीरगन्ज पथलैया सडकखण्डमा यात्रु वाहक दुर्घटना भएको छ । जीतपुर सिमरा वडा नम्बर २३ को हिमाल आइरन र भारत भेन्च कम्पनी अगाडि घुम्तीमा मंगलबार बस दुर्घटना भएको हो ।
दुर्घटनामा कति घाईते भयो भन्न यकिन संख्या भने अहिले खुलेको छैन । हेटौडातर्फबाट तीब्रगतिमा आईरहेको ना ७ ख ६०७६ नम्बरको बस घुम्तीमा अनियन्त्रीत भई पल्टिएको हो ।
घाईतेहरुलाई गण्डक स्थित मेडिसिटी बयोधा अस्पताल र नारायणी अस्पतालमा लगिएको छ । बस दुर्घटनामा घाईते भएका एकजनाको अवस्था गम्भीर रहेको छ । वीरगन्ज नारायणगढ भैरहवा चल्ने बसका चालकको लापरवाहीले दुर्घटना भएको प्रत्यक्षदर्शीले बताएका छन् ।
चालकले तीब्र गतिमा बस चलाउदा घुम्तीमा अनियन्त्रित भई पल्टिएको हो । दुर्घटना पश्चात घाईतेहरुलाई स्थानीयले उद्दार गरी अस्पतालहरुमा पु¥याएकोले अहिले घाईतेको यकिन संख्या नभएको प्रहरीको भनाई छ ।
दुर्घटना पछि फरार रहेका चालकको खोजी भईरहेको इलाका प्रहरी कार्यालय जीतपुरले जनाएको छ ।
