वीरगन्ज । सशस्त्र प्रहरी पर्साद्वारा ब्राउनसुगर सहित एकजनालाई पक्राउ गरी नेपाल प्रहरीलाई बुझाएको छ ।
सशस्त्र प्रहरी बल नेपाल सुरक्षा वेश क्याम्प बेलवामा आकस्मिक चेकप्वाईन्ट राखेर जांच गर्ने क्रममा ३.३३ ग्राम ब्राउन सुगर सहित वीरगन्ज २९ बस्ने बर्ष २४ का रबि साहलाई पक्राउ गरेको थियो ।
ADVERTISEMENT
मिलन चोकबाट जीतपुर तर्फ जादै गरेको मघेश प्रदेश ०३–०३० प ६४७६ नम्बरको केटीएम ड्युक मोटरसाईकलमा सवार साहको साथबाट ब्राउन सुगर ३.३३ ग्राम फेला परेपछि उनलाई मोटरसाईकल सहित नियन्त्रणमा लिएको सशस्त्र प्रहरीले जनाएको छ ।
वीरगन्ज महानगरपालिका वडा नम्बर–३१ सोलखपुरबाट नियन्त्रणमा लिएको उनलाई आवश्यक कारवाहीको लागि जिल्ला प्रहरी कार्यालय पर्सामा बुझाएको सशस्त्र प्रहरी नम्बर १३ गण हेडक्वाटर पर्साका प्रवक्ता सशस्त्र प्रहरी नायव उपरीक्षक देवेन्द्र सिंहले जानकारी दिए ।
