वीरगन्ज । पर्साको सखुवा प्रसौनी गाउँपालिकामा बाघले आक्रमण गर्दा एकजना घाईते भएका छन् । सुखवा प्रसौनी गाउपँलिका वडा नम्बर १ औराहा रेञ्जपोष्ट क्षेत्रमा देखा परेको बाघले आक्रमण गर्दा स्थानीय भीमबली चौधरी घाईते हुनुभएको हो ।
घाईते भीमबलीलाई उपचारको लागि वीरगन्ज ल्याईएको छ । भीमबलीलाई आक्रमण गरेको बाघ भने मृत अवस्थामा फेला परेको इलाका प्रहरी कार्यालय पटेर्वा सुगौलीले जनाएको छ ।
ADVERTISEMENT
औराह रेञ्जपोष्ट क्षेत्रमा पर्ने स्थानीय शिवनारायण महतोको मकै खेतमा बाघ देखा परेको जानकारी पाएपछि गाउँपालिका अध्यक्ष यशवन्त यादवले प्रहरीलाई खबर गरेको बताउनुभयो ।
मान्छेलाई आक्रमण गर्ने बाघको खोजी गर्ने क्रममा मकैघारीमा बाघ मृत अवस्थामा फेला परेको हो ।
