वीरगन्ज । वीरगन्जको श्रीपुरमा सञ्चालित वीरगन्ज कलेज सञ्चालक समितिका अध्यक्ष डाक्टर दिपेन्द्र कुमार चौधरी देशभरका शीर्ष ५० शिक्षाविदमा पर्न सफल भएका छन् । शिक्षाप्रतिको लगाव, प्रतिबद्धता र युवाहरूको दिमागमा आकार दिने जोशले महत्वपूर्ण प्रभाव पारेकोमा चौधरी देशभरका शीर्ष ५० शिक्षविदमा परेका हुन् ।
डा.दिपेन्द्र चौधरीको समर्पण र कडा परिश्रमले गर्दा मेरो अन्तर्वार्ता र यात्रा प्लसद्वारा प्रायोजित सक्सेज मिडिया र इडुपानाले प्रतिष्ठित पहिचान दिलाएको हो । बजेटिङमा विद्यावारिधी गरेका चौधरी भारतको इण्डियन कमर्स एशोसिएसनका सदस्य समेत रहेका छन् ।
उनी हालै नेपालमा स्थापना गरिएको नेपाल कमर्स एशोसिएसन (एनसीए) का संस्थापक अध्यक्ष समेत रहेका छन् । उनले सञ्चालन गरेको वीरगन्ज कलेजमा उपत्यका बाहिर पहिलो पटक कानून र पत्रकारिता विषयमा अध्यापन हुने गरेको छ । उनी ट्रिब्यून नेपाल प्रा.लि.का अध्यक्ष समेत रहेका छन् ।
