वीरगन्ज । मधेस विश्वविद्यालयको स्कारपियोले विश्वविद्यालयको पर्खाल भत्काएको छ । विश्वविद्यालय परिसरभित्रै राख्ने गरिएको मधेस प्रदेश ०२–००१ झ ००२३ नम्बरको स्कारपियोले गएराति पर्खाल भत्काएको हो ।
विश्वविद्यालय भित्रै राख्ने गरिएको स्कारपियो सुरक्षागार्ड झगरु भन्नेले सिक्ने क्रममा अनियन्त्रित भई पश्चिम तर्फको पर्खालमा ठोक्किएर पर्खाल भत्किएको विश्वविद्यालयका रजिष्टार विजय यादवले जानकारी दिनुभयो । उहाँका अनुसार विश्व विद्यालयको गाडी चालकले चाँवी पनि कार्यालयमै राखेर जाने गरेको छ ।
ADVERTISEMENT
सुरक्षा गार्डले चलाउने क्रममा पर्खालमा ठोक्किन गएको हो । घटनाको विस्तृत जानकारी भने आफू कार्यालयमा गएपछि मात्रै आउने रजिष्टार यादवले बताउनुभयो । स्कारपियो चलाउने सुरक्षा गार्ड फरार रहेको र थप अनुसन्धान भईरहेको वडा प्रहरी कार्यालय श्रीपुरले जनाएको छ ।
