वीरगन्ज । वीरगन्जमा जारी प्रो क्लब च्याम्पियनशिप क्रिकेटमा आजपनि दुईवटा खेल हुदैछन् । पहिलो खेल नेपाल पुलिस क्बल र भारतको युपि ११ बीच नारायणी क्रिकेट मैदानमा अहिले जारी रहेको छ । नेपाल पुलिस क्बल पहिलो खेलमा नेपाल आर्मीसँग ८ विकेटले पराजित भएको थियो ।
आजको दोश्रो खेल वण्डर्स क्लब नोयडा र पर्सा ११ बीच दिउँसो सवा १ बजे हुनेछ । वण्डर्स क्लब नोयडा हिजो भएको खेलमा आर्मीसँग ६ विकेटले पराजित भएको थियो । हिजोको पहिलो खेलमा सशस्त्र प्रहरी विजयी भएको थियो । सशस्त्र प्रहरीले युपी ११ लाई पराजित गरेको थियो ।
ADVERTISEMENT
पर्सा क्रिकेट संघको आयोजनामा पुष ५ गतेदेखि शुरु भएको प्रतियोगिता पुष १४ गतेसम्म चल्ने पर्सा क्रिकेट संघका अध्यक्ष मनिष सिंहले जानकारी दिए ।
