विराटनगर । हिक्मत कुमार कार्कीले कोशी प्रदेश सरकार स्थापनाको आठौं वर्ष पूरा गरी नवौं वर्षमा प्रवेश गरेको अवसरमा उल्लेख्य प्रगति हासिल गरेको दाबी गरेका छन्।
स्थापना दिवसका अवसरमा जारी शुभकामना सन्देशमा उनले प्रदेश सरकारले भौतिक पूर्वाधार, सामाजिक विकास र नागरिकको जीवनस्तर उकास्ने क्षेत्रमा महत्वपूर्ण काम गरेको बताए। नकारात्मक प्रचारका बाबजुद पारदर्शिता, सुशासन र जनमुखी सेवामा सरकार प्रतिबद्ध रहेको उनको भनाइ छ।
ADVERTISEMENT
लगानी सम्मेलनमार्फत करिब दुई खर्ब रुपैयाँको प्रतिबद्धता प्राप्त हुनु, पर्यटन वर्ष घोषणा, सडक तथा पुल निर्माणलाई प्राथमिकता दिनु प्रदेश सरकारका उपलब्धि भएको उनले उल्लेख गरेका छन्। प्रदेश सरकारलाई अनुभूति गर्न सकिने सरकारका रूपमा स्थापित गर्ने प्रतिबद्धता पनि मुख्यमन्त्री कार्कीले व्यक्त गरेका छन्।
