काठमाडौं । फागुन २१ गते हुने प्रतिनिधिसभा निर्वाचनका लागि निर्वाचन आयोगले अत्यावश्यक सामग्री ढुवानीका सेवा प्रदायकलाई सूचीकृत हुन आग्रह गरेको छ। निर्वाचन सामग्री ढुवानीका लागि हेलिकोप्टर, ट्रक, कन्टेनर र कुरियर सेवा प्रयोग गरिनेछ।
सूचीकृत हुन इच्छुक फर्म वा कम्पनीले इजाजतपत्र, भ्याट दर्ता, आर्थिक वर्ष २०८१/८२ सम्मको करचुक्ता र विगत तीन आवको कारोबार विवरण पेस गर्नुपर्नेछ। न्यूनतम औसत वार्षिक कारोबार रकम हेलिकोप्टरका लागि ३ करोड, ट्रक/कन्टेनरका लागि १ करोड र कुरियर सेवाका लागि ३० लाख तोकिएको छ।
कुरियर कम्पनीको ७७ वटै जिल्लामा कार्यालय तथा प्रतिनिधि हुनुपर्नेछ। एकभन्दा बढी समूहमा आवेदन दिनेलाई कारबाही नगरिने र सूचीकृत गर्ने/नगर्ने अधिकार आयोगमै निहित रहने जनाएको छ। (रासस)
ADVERTISEMENT
