वीरगन्ज । वीरगन्ज भन्सार एजेण्ट संघले वीरगन्ज भन्सार कार्यालयका नवआगन्तुक प्रमुख भन्सार प्रशासक कृष्णप्रसाद मैनालीको स्वागत गरेका छन् ।
संघले बुधबार एक कार्यक्रम आयोजना गरेर सरुवा भएर आएका प्रमुख भन्सार प्रशासक मैनालीलाई स्वागत गरेको हो । वीरगन्ज भन्सार एजेन्ट संघका अध्यक्ष राजमान तामाङको सभापतित्वमा एजेन्ट संघको सचिवालय शाखामा उक्त कार्यक्रम सम्पन्न भएको हो ।
कार्यक्रममा एजेण्ट संघका पदाधिकारीहरुले फूलमाला र खादा ओढाएर प्रमुख प्रशासक मैनालीलाई स्वागत गरेका थिए । कार्यक्रममा वीरगन्ज भन्सार कार्यालयका प्रमुख भन्सार अधिकृतहरू काजीबाबु कोईराला र अर्जुन न्यौपाने एजेण्ट संघका उपाध्यक्ष मोहन शर्मा,
कोषाध्यक्ष डा. संयोग कुमार, वरिष्ठ सल्लाहकार दामोदर राठी, सल्लाहकारहरू राजकुमार मोदी, विजय गुप्ता र सुनिल गुप्ताको पनि सहभागिता रहेको थियो। कार्यक्रमको सहजीकरण कार्यालयका मुख्य सचिव बिनोद परियारले गरेका थिए । स्वागतका क्रममा भन्सार प्रशासन र एजेन्टहरूबीचको समन्वयका विषयमा छलफल समेत भएको थियो।
