काठमाडौँ । आगामी फागुन २१ गते हुने प्रतिनिधिसभा सदस्य निर्वाचनका लागि निर्वाचन आयोगले सवारीसाधन प्रयोगमा कडाइ गर्दै नयाँ आचारसंहिता प्रस्ताव गरेको छ। प्रस्तावित व्यवस्थाअनुसार निर्वाचन अधिकृतको अनुमति बिना कुनै पनि उम्मेदवारले सवारीसाधन प्रयोग गर्न पाउने छैनन्।
सवारीसाधन प्रयोग सम्बन्धी मुख्य प्रावधानहरू:
-
सवारी संख्या: उम्मेदवारले बढीमा दुईवटा दुईपाङ्ग्रे वा चारपाङ्ग्रे सवारीसाधन (विद्युतीय वा यान्त्रिक) प्रयोग गर्न पाउनेछन्। सवारी नचल्ने ठाउँमा चारवटा घोडा प्रयोग गर्न सकिनेछ।
ADVERTISEMENT -
प्रतिबन्ध: विदेशी नम्बर प्लेटका सवारी प्रयोग गर्न पाइने छैन र सवारीको स्वरूप परिवर्तन गर्न पनि रोक लगाइएको छ।
-
कडा कारबाही: अनुमति बिना चलाइएका सवारीलाई ट्राफिक वा सुरक्षाकर्मीले नियन्त्रणमा लिई कारबाही गर्नेछन्।
-
मतदाता ओसारपसार: उम्मेदवारले मतदाता ओसार्न सवारी प्रयोग गर्न पाउने छैनन्। तर, ज्येष्ठ नागरिक, अपाङ्गता भएका व्यक्ति, सुत्केरी र बिरामीका हकमा निर्वाचन अधिकृतको अनुमतिमा सवारी प्रयोग गर्न बाधा पर्ने छैन।
-
हेलिकप्टर प्रयोग: दलले तोकेका ‘मुख्य प्रचारक’ले मात्र आयोगको अनुमतिमा हेलिकप्टर प्रयोग गर्न पाउने व्यवस्था गरिएको छ।
आयोगले निर्वाचनलाई स्वच्छ र मर्यादित बनाउन सवारीसाधनको दुरुपयोग रोक्न यस्तो कडा प्रावधान ल्याउन लागेको हो।
