वीरगञ्ज। मधेश प्रदेशका मुख्यमन्त्री सतिश सिंहले वीरगञ्ज एकीकृत जाँच चौकी (आईसीपी) अगाडि मालबाहक ट्रकहरूबाट अवैध रूपमा बढी पैसा उठाउने ढाटमा आकस्मिक छापा मारेका छन्। मुख्यमन्त्रीको निरीक्षणपछि पर्सा प्रहरीले सो ढाटबाट तीन जनालाई नियन्त्रणमा लिएको छ।
मुख्यमन्त्री सिंहले सवारीका नाममा ढाट लगाएर जबरजस्ती पैसा असुली भइरहेको गुनासो आएपछि उक्त स्थानमा पुगेर अनुगमन गरेका थिए। उनको उपस्थितिमै प्रहरीले अवैध असुलीमा संलग्न व्यक्तिहरूलाई पक्राउ गरेको हो।
ADVERTISEMENT
यस घटनाले मधेश प्रदेश सरकार अवैध धन्दा नियन्त्रण गर्न र सुशासन कायम गर्न प्रतिबद्ध रहेको सन्देश दिएको छ। पर्साका प्रहरी प्रमुख गौतम मिश्राले पक्राउ परेका व्यक्तिहरूमाथि थप अनुसन्धान भइरहेको बताएका छन्।
