काठमाडौं। अख्तियार दुरुपयोग अनुसन्धान आयोगले पशुपति क्षेत्र विकास कोषका सदस्य–सचिव डा. मिलनकुमार थापासहित जना व्यक्ति र दुई कम्पनीविरुद्ध भ्रष्टाचार मुद्दा दायर गरेको छ। उनीहरूले रु करोड लाख हजार रुपैयाँ भ्रष्टाचार गरेको ठहर गर्दै अख्तियारले आइतबार विशेष अदालत काठमाडौंमा मुद्दा दायर गरेको हो।
मुद्दा दायर गरिएका व्यक्ति तथा कम्पनीहरू:
अख्तियारले मुद्दा दायर गरेका प्रमुख व्यक्तिहरूमा पशुपति क्षेत्र विकास कोषका तत्कालीन सदस्य–सचिव एवं हाल परिषद् सदस्य राजुकुमार खत्री, तत्कालीन कार्यकारी निर्देशक डा. घनश्याम खतिवडा, तत्कालीन निमिक्त उप–निर्देशक एवं हालका उप–निर्देशक रेवतीरमण अधिकारी, तत्कालीन निमित्त उप–निर्देशक सीताराम रिसेल, इन्जिनियरहरू पशुपति ठाकुर, डेनिस उप्रेती, रमेश पुरी, र लेखा अधिकृत चन्द्रप्रसाद खनाल छन्।
यस्तै, इन्जिनियरिङ अध्ययन संस्थान, पुल्चोक क्याम्पस, इलेक्ट्रिकल विभागका प्रमुख उपप्राध्यापक युवराज अधिकारी, पशुपति क्षेत्र विकास कोषका कानुनी सल्लाहकार तथा मूल्यांकन समिति सदस्य लैनबहादुर थापा, म्याप इन्टरप्रेनर्स प्रा.लि. काठमाडौं तथा सञ्चालक मनोजप पुरी र यदुनन्दन भट्टराई, साथै एपल इन्जिनियरिङ प्रोफेसनल कन्सल्टेन्सी प्रा.लि. र सोका प्रबन्ध निर्देशक सुरज चापागाईंविरुद्ध पनि अख्तियारले मुद्दा दायर गरेको छ।
भ्रष्टाचारको आरोप र अनुसन्धान:
अख्तियारले दायर गरेको मुद्दामा सबैजनासँग रु करोड लाख हजार रुपैयाँ बिगो मागदाबी गरिएको छ।
पशुपति क्षेत्र विकास कोषले २०८० असार ५ गते आह्वान गरेको बोलपत्रको मूल्यांकनमा प्रतिस्पर्धा सीमित गराएको भन्ने उजुरी परेपछि अख्तियारले अनुसन्धान अघि बढाएको थियो। अनुसन्धान हुँदा डा. मिलनकुमार थापासमेतका प्रतिवादीहरूको आपसी मिलोमतो तथा योजनामा आफूहरूलाई लाभ र पशुपति क्षेत्र विकास कोष/सार्वजनिक संस्थालाई हानि नोक्सानी पुर्याउने बदनियतले उक्त रकम भ्रष्टाचार गरेको पाइएको अख्तियारद्वारा आइतबार जारी विज्ञप्तिमा उल्लेख छ।
यो घटनाले पशुपति क्षेत्र विकास कोष जस्तो महत्त्वपूर्ण धार्मिक तथा सांस्कृतिक संस्थामा भएको अनियमिततालाई उजागर गरेको छ। यस मुद्दाको थप सुनुवाइ विशेष अदालतमा हुनेछ।
