काठमाडौं। अख्तियार दुरुपयोग अनुसन्धान आयोगले नेपाल बैंक लिमिटेडका तत्कालीन अध्यक्ष डा. चन्द्रबहादुर अधिकारीसहित १० जनाविरुद्ध तीन फरकफरक भ्रष्टाचार मुद्दा दायर गरेको छ। डा. अधिकारीले व्यवसायीहरूसँग ऋण उपलब्ध गराइदिने भन्दै कुल लाख घुस लिएको आरोप अख्तियारको छ।
विशेष अदालतमा दायर गरिएको आरोपपत्रअनुसार:
१. भुसाल हस्पिटालिटी (र्याडिसन प्रोजेक्ट): डा. अधिकारीले अर्ब करोड २९ लाखभन्दा बढी ऋण दिलाउन सहयोग गरिदिने भन्दै भुसाल हस्पिटालिटीका अध्यक्ष बालकृष्ण भुसाल र उनका छोरा अंकित भुसालसँग लाख रुपैयाँ घुस लिएको देखिएको छ। यो रकम २०८१ भदौ ३० गते माग गरी भारतीय नागरिक खुसनसिब अन्सारी (लक्की) को मिलेमतोमा प्राप्त गरिएको र २०८१ माघ २३ मा डा. अधिकारीको घरबाट बरामद भएको थियो।
२. हिमाल–तराई कन्स्ट्रक्सन प्रालि: डा. अधिकारीले काठमाडौंको हिमाल–तराई कन्स्ट्रक्सन प्रालिसँग ऋण प्रक्रियामा सहजीकरण गरिदिने भन्दै लाख रुपैयाँ घुस लिएको पाइएको छ। यो रकम पनि २०८१ माघ २३ मा डा. अधिकारीको घरबाट बरामद भएको चेकबाट प्रमाणित भएको अख्तियारले जनाएको छ। यो प्रकरणमा डा. अधिकारी र रमेश आचार्यविरुद्ध मुद्दा दायर भएको छ।
३. अकला–देवकी ट्रेडर्स: तनहुँको अकला–देवकी ट्रेडर्सलाई करोड ऋण उपलब्ध गराइदिने भन्दै डा. अधिकारीले लाख रुपैयाँ घुस लिएको अख्तियारको अनुसन्धानबाट खुलेको छ। यो घुस रकम सन्तोष सुवेदीमार्फत माग गरी विभिन्न बैंक खाताहरूबाट स्थानान्तरण गरिएको र चेकबाट लिइएको आरोप छ। यो प्रकरणमा अधिकारीसहित लक्की खान, सन्तोष सुवेदी, नारायणप्रसाद बराल, दानबहादुर कार्की र सुन्दरबहादुर बानियाँविरुद्ध मुद्दा हालिएको छ।
अख्तियारले यी तीनवटै फरकफरक मुद्दामा डा. अधिकारीसहित १० जनाविरुद्ध बिगो, कैद र जरिवानाको मागसहित मुद्दा दायर गरेको छ।
