काठमाडौं । भक्तपुरको सूर्यविनायक नगरपालिका–३, बालकोटस्थित बृहस्पति मागैमा रहेको लक्ष्मीश्वर महतोको तीनतले घरमा डेरा गरी बस्ने ५० वर्षीया रोशनी शाही मृत अवस्थामा फेला परेकी छिन्।
भक्तपुरका एसपी माधव बुढाथोकीका अनुसार, आइतबार दिउँसो १ बजेर ५० मिनेटमा उनको शव कोठाभित्रै मृत अवस्थामा भेटिएको हो। कोठा भित्रबाट चुकुल लगाएको अवस्थामा उनको शव फेला परेको प्रहरीले जनाएको छ। शाहीको स्थायी घर जाजरकोट रहेको बताइएको छ।
ADVERTISEMENT
घटनास्थलमा सुसाइड नोट पनि फेला परेको प्रहरीले जानकारी दिएको छ। उनको शरीरमा बाहिरी चोटपटक नदेखिएको प्रहरीले बताएको छ। मृतक शाहीका छोराछोरी विदेशमा छन् भने श्रीमान् कामको सिलसिलामा उपत्यका बाहिर रहेका प्रहरीले जनाएको छ।
