चितवन । मुग्लिन-नारायणगढ सडक खण्डको तुईनखोला भन्ने स्थानमा आज बिहान ट्रक पल्टिएपछि सडक पूर्णरुपमा बन्द भएको छ।
वीरगञ्जबाट काठमाडौं जाँदै गरेको मधेश प्रदेश ०३–००१ ख ९८१७ नम्बरको कोइला लोड ट्रक बिहान ७ बजेतिर आफैं अनियन्त्रित भई पल्टिएको चितवन प्रहरीले जनाएको छ। दुर्घटनामा कुनै मानवीय क्षति भने भएको छैन।
ADVERTISEMENT
चितवन प्रहरीका अनुसार इलाका प्रहरी कार्यालय मुग्लिनबाट प्रहरी निरीक्षक प्रतिक सिंहको नेतृत्वमा टोली घटनास्थलमा खटिएर बाटो खुलाउने प्रयास गरिरहेको छ।
दुर्घटनास्थल मुग्लिनबाट करिब दुई किलोमिटर दक्षिणमा पर्दछ। सडक अवरुद्ध हुँदा यात्रुहरू अलपत्र परेका छन्।
