काठमाडौँ । प्रधानमन्त्री केपी शर्मा ओलीले आज दिउँसो ५ बजे बालुवाटारमा मन्त्रिपरिषद् बैठक बोलाएका छन्।
बैठकमा मुख्य रूपमा नेपाल राष्ट्र बैंकको गभर्नर नियुक्ति, संसद्मा जारी सरकारको नीति तथा कार्यक्रम, सरकारका नियमित कामकारबाही र देशका समसामयिक विषयमा छलफल हुने बताइएको छ।
ADVERTISEMENT
कानुनी प्रावधान अनुसार अघिल्ला गभर्नरको कार्यकाल सकिनु एक महिनाअगावै नयाँ गभर्नर नियुक्त गरिसक्नुपर्ने भए पनि, सरकारले कार्यकाल सकिएको एक महिना बितिसक्दा पनि नयाँ गभर्नर नियुक्त गर्न सकेको छैन। आजको बैठकमा यो विषय प्रमुखताका साथ उठ्ने अनुमान गरिएको छ।
