काठमाडौं । प्रधानमन्त्री एवं नेकपा (एमाले)का अध्यक्ष केपी शर्मा ओलीले मुलुकको विकासका लागि अरूको भर पर्न नहुने बताएका छन्। आज एमालेको संसदीय दलको बैठकमा सम्बोधन गर्दै उनले यो धारणा व्यक्त गरेका हुन्।
अमेरिकी सरकारसँग भएको मिलेनियम च्यालेन्ज कर्पोरेशन (एमसीसी) सम्झौता अमेरिकी पक्षबाट बन्द भएको सन्दर्भ उल्लेख गर्दै प्रधानमन्त्री ओलीले नेपालले आफ्नो विकास आफैँले गर्नुपर्नेमा जोड दिए।
ADVERTISEMENT
उनले नेपालको संसदबाट ५० अर्ब अमेरिकी डलर बराबरको एमसीसी परियोजना पारित भइसकेको र यो कार्यान्वयनको चरणमा रहेको बताए। यस परियोजनामा ४०० केभीको प्रसारण लाइन निर्माण र सडक स्तरोन्नतिका आयोजनाहरू समावेश छन्।
यसअघि अमेरिकी राष्ट्रपति डोनाल्ड ट्रम्पको ९० दिने स्थगनसम्बन्धी कार्यकारी आदेशका कारण आयोजनाको काम रोकिएको थियो र त्यो स्थगनको समय यही अप्रिल २० मा सकिएको छ।
