जनकपुरधाम । धनुषाको सहिद नगरपालिका–५ यदुकोहामा विष सेवनबाट गम्भीर भएकी आमा पवित्रा कुमारी साहको पनि उपचारको क्रममा जनकपुरधामस्थित रामजानकी अस्पतालमा मृत्यु भएको छ। ३० वर्षीया पवित्राको मृत्यु आज बिहान ९ः४५ बजे भएको धनुषाका प्रहरी प्रवक्ता डीएसपी बरुणबहादुर सिंहले जानकारी दिए।
गत सोमबार गहुँमा राख्ने विषादी सेवनबाट पवित्रा बिरामी भएकी थिइन् भने उनका तीन छोराछोरी ६ वर्षीय आदित्य साह, ४ वर्षीया आकृती साह र २ वर्षीया आरुती साहको घटनास्थलमै मृत्यु भएको थियो।
ADVERTISEMENT
गर्भवती पवित्राको शल्यक्रिया गरेर निकालिएको शिशुको अवस्था भने सामान्य रहेको अस्पतालका सञ्चालक मिथलेश साहले जानकारी दिएका छन्। पारिवारिक विवादका कारण घटना भएको प्रहरीको अनुमान छ र घटनाको अनुसन्धान जारी रहेको प्रहरीले जनाएको छ।
