वीरगन्ज– जनतासँग माओवादी हुलाकी सडक केन्द्रित जनजागरण अभियानका क्रममा वीरगन्ज आईपुगेको नेकपा (माओवादी केन्द्र) का अध्यक्ष सहितका पदाधिकारीको टोली बिहानी पैदल यात्रा सम्पन्न गरेको छ ।
वीरगन्ज १४ बहुअरीमा बास बसेका प्रचण्ड नियमित प्रभात यात्राको क्रममा मुख्य सडक हुँदै घण्टाघर, आदर्शनगर हुँदै बब्लु टि पसलमा चिया खादै स्थानीय जनतासँग भेटघाट गरेका छन् साथै महानगर प्रमुख राजेशमान सिंहले पनि स्वागत गरेका छन् । चिया पसलमा भेटघाटपछि घडिअर्वा पोखरीमा घुमेर अभियान टोली बासस्थान फर्किएको छ । बासस्थानमा नास्ता खाएपछि पानीटंकी स्थित डायमण्ड पार्टी प्यालेसमा बिहान ९ बजे हुने नागरिक संवाद तथा पत्रकार सम्मेलनमा सहभागी हुनेछ । त्यसपछि विन्दवासिनी गाउँपालिकामा सहिद मुकेश चौरसियाको घरमा खाना खाने र जनसभालाई सम्बोधन गर्ने कार्यक्रम रहेको प्रचण्डका स्वकिय सचिव गोविन्द आचार्यले जानकारी दिए । त्यसपछि ठोरीको आठघरेमा हुने जनसभालाई सम्बोधन गरेर त्यहिबाट चितवन प्रवेश गर्ने कार्यक्रम रहेको छ ।
