वीरगन्ज, २० फागुन । वीरगञ्जमा जारी दोश्रो वीरगञ्ज गोल्डकप फुटबल प्रतियोगिताको सेमीफाईनल समिकरण पूरा भएको छ ।
मच्छिन्द्र फुटबल क्लब प्रतियोगिताको सेमीफाईनलमा प्रवेश गरेको छ । वीरगञ्जको आर्दशनगर रंगशलामा मंगलबार भएको अन्तिम क्वार्टफाईनल खेलमा एपिआई चर्च ब्वाइज युनाइटेड क्बललाई २–१ गोल अन्तरले पराजित गर्दै सेमीफाईनलमा प्रवेश गरेको हो ।
निर्धारित समयमा दुवै टिमले १–१ गोलको बराबरी खेलेपछि पाँच मिनेटको अतिरिक्त समय दिईएको थियो । अतिरिक्त समयको अन्तिममा मच्छिन्द्रका क्याप्टेन रेजिन सुब्बाले थप एक गोल गरेर मच्छिन्द्रलाई जित दिलाए ।
मच्छिन्द्रको यो जितसँगै वीरगन्ज गोल्डकपको सेमीफाईनल समिकरण पूरा भएको छ । भोलीको पहिलो सेमीफाईनल खेल वीरगन्ज युनाईटेड र नेपाल पुलिस क्बलबीच हुने आयोजकले जनाएको छ ।
मधेस प्रदेश कै सर्वाधिक धनराशी भएको दोस्रो वीरगन्ज गोल्डकप प्रतियोगितामा विजेता टोलीलाई नगद ११ लाख ११ हजार एक सय एघार रुपैयाँ, ट्रफी, मेडल र प्रमाणपत्र र उपविजेता हुने टोलीलाई पाँच लाख ५५ हजार पाँच सय ५५ रुपैयाँ नगद, ट्रफी, मेडल र प्रमाणपत्रले पुरस्कृत गरिनेछ । प्रतियोगिताको मुख्य प्रायोजकको रूपमा वीरगन्ज महानगरपालिका रहेको छ ।
