बर्दिवास । नेकपा माओवादी केन्द्रका उपमहासचिव तथा मधेस प्रदेशका इञ्चार्ज मातृका यादवले जतिपनि परिवर्तन भएका छन् यसमा नेपाली पत्रकारिताको अझ ठूलो योगदान रहेको बताएका छन् ।
प्रेस सेन्टर नेपाल मधेस प्रदेशको पाँचौँ अधिवेशनको शनिबार महोत्तरीको बर्दिबासमा उदघाटन गर्दै अहिले पत्रकारितामा भ्रम सृजना गर्ने र पीत पत्रकारिता बढी भईरहेको बताउदै राजनीतिक दलहरुमात्रै होईन प्रेस सेन्टर नेपाल लगायतका सञ्चार क्षेत्रमा पनि जनताले हेरिरहेको बताए ।
जनतामा छरिएका भ्रमहरु हटाउनका लागि पत्रकारहरुले नै महत्पूर्ण भूमिका खेल्नुपर्ने बताउदै उनले देशमा भईरहेको नौटंकीलाई जनतासामु नंग्याउनुपर्ने बताए । उनले संगठन जनवादी केन्द्रीयताको आधारमा संगठन चल्नुपर्ने बताउदै नेता यादवले अहिले कम्पनीको जस्तो चलिरहेको टिप्पणी गरे । उनले अब संगठन जनवादी केन्द्रीयताको अधारमा चल्ने बताए ।
उनले भने, कसैको कुरा सुन्न चाहदैन । राजालाई त फालियो भन्दै मधेसमा अझ सामन्तीवा र दास मनोवृत्तिको बोलवाला बढेको छ ।’ यही कुरा जनतामा कार्यकर्तामा पुयाउन आग्रह गरे । अधिवेशन बोलाउनु भन्दा अध्यादेश ल्याउने काम गरेको भन्दै उनले अहिलेको सरकारको नेतृत्व गरीरहेका प्रधामन्त्री केपी ओली रक्षात्मक देखिएको टिप्पणी गरे ।
विशेष अवस्थामा अध्यादेश ल्याउने संविधानमा ल्याउने व्यावस्था भएपनि अध्यादेशले देश चलाउन खोजेका आरोप लगाए । भूमि व्यावस्था सम्बन्धी अध्यादेश ल्याएर भूमाफियालाई पोस्ने काम गर्न खोजेको पनि बताए ।
उनले राष्ट्रियता जोगाउने, उत्पीडितवर्गको उत्थानको लागि काम नगरेर जनयुद्धको जगमा जसले आन्दोलन गरेर संंघीयता ल्यायो त्यसैलाई हिंसा भनेर होच्याउने गरेको बताए ।
प्रेस सेन्टर नेपाल मधेस प्रदेशका अध्यक्ष किरण कर्णको अध्यक्षतामा भएको उदघाटन सत्रमा नेकपा ९माओवादी केन्द्रं० मधेस प्रदेशसभा संसदीय दलका नेता भरत प्रसाद साह, प्रेस सेन्टर नेपालका बरिष्ठ उपाध्यक्ष कमल गिरी, उपाध्यक्ष गोविन्द देवकोटा, उपमहासचिव हिरालाल चौधरी, नेपाल पत्रकार महासंघका केन्द्रीय लेखा समिति संयोजक केसी लामिछाने मधेस प्रदेश अध्यक्ष श्याम बञ्जारा लगायतले शुभकामना व्यक्त गरेका छन् ।
कार्यक्रममा स्वागत प्रेस सेन्टर नेपालकी केन्द्रीय सदस्य सुनिता बरालले गरेकी थिईन् । सञ्चालन महासचिव गोपाल गुप्ताले गरेका छन् । अधिवेशनमा नेपाल पत्रकार महासंघ मधेस प्रदेशका महासचिव शैलेन्द्र महतो, मधेस प्रदेश सचिव दीपक गौतम, महोत्तरीका अध्यक्ष महेस दास, पर्सा अध्यक्ष ओमप्रकाश खनाल, प्रेस सेन्टर नेपालको मधेस प्रदेशबाट प्रतिनिधित्व गर्ने केन्द्रीय पदाधिकारी, केन्द्रीय सदस्य, प्रदेश प्रतिनिधि, जिल्ला अध्यक्ष तथा पदाधिकारी र सदस्यहरुको सहभागिता रहेको थियो ।
यसैबीच कार्यक्रममा स्पेस फोर के टेलिभिजनका महोत्तरी संवाददाता विष्णु गुप्ता प्रेस सेन्टर नेपालमा प्रवेश गरेका छन् । अहिलेसम्म कुनैपनि संगठनमा आवद्ध नभएका गुप्ता बर्दिवासमा आयोजना गरिएको प्रेस सेन्टर नेपालको मधेस प्रदेशको अधिवेशनमा संगठनमा प्रवेश गरेका हुन् । उनलाई प्रमुख अतिथि नेकपा माओवादी केन्द्रका उपमहासचिव तथा मधेस प्रदेश इञ्चार्ज मातृका यादवले खादा र टिका लगाएर स्वागत गरे ।
