वीरगंज। सशस्त्र प्रहरी बल, नेपाल नम्बर १३ गण हेडक्वार्टर पर्साले नौ महिनामा ३५ करोड भन्दा बढीको राजस्व छलिको सामान बरामद गरेको छ ।
२०८१ जेष्ठ महिनादेखि माघ सम्म सशस्त्र प्रहरीले ३५ करोड ५९ लाख २१ ह्जार ९१० रुपैंया मूल्य बराबरको राजस्व छलिको सामानहरु बरामद गरि वीरगंज भन्सार कार्यालय र राजस्व अनुसन्धान कार्यालय पथलैयामा बुझाएको सूचना अधिकारी सशस्त्र प्रहरी नायव उपरीक्षक नरेन्द्र सिंह धामीले बताए ।
२०८१ जेष्ठ महिनादेखि माघसम्ममा २३ लाख ४१ हजार ३५८ रुपैंया मूल्य बराबरको बरामद सामान वीरगंज भन्सार कार्यालयमा र १२ करोड १७ लाख ९४ हजार ५५२ रुपैंया मूल्य बराबरको भन्सार छलिको सामान बरामद गरी राजस्व अनुसन्धान कार्यालय पथलैयामा बुझाएको सूचना अधिकारी सशस्त्र प्रहरी नायव उपरीक्षक धामीले बताए ।
यसरी दुवैतर्फ बुझाएको बरामद सामानको मूल्य ३५ करोड ५९ लाख २१ ह्जार ९१० रुपैंया पुगेको हो । सशस्त्र प्रहरीले २०८० को जेष्ठदेखि माघ महिनासम्म १७ करोड ९ लाख ६९ हजार १९६ रुपैंया मूल्य बराबरको सामान बरामद गरेको सशस्त्र प्रहरी बल नम्बर १३ गण हेडक्वार्टर पर्साको तथ्यांकले देखाएको छ ।
नौ महिनामा सशस्त्र प्रहरी नम्बर १३ गण हेडक्वार्टरले ७ करोड ३९ लाख १४ हजार ६१८ रुपैंया मूल्य बराबरको र वीरगंज भन्सार कार्यालयमा र राजस्व अनुसन्धान कार्यालयमा ९ करोड ७० लाख ५४ हजार ५७८ रुपैंया मूल्य बराबरको बरामद सामान बरामद गरी बुझाएको थियो ।
२०८० को नौ महिनामा भन्दा २०८१ को नौ महिनामा सशस्त्र प्रहरी बलले उल्लेख्य भन्सार छलिका सामानहरु बरामद गरेर राजस्व संकलनमा पनि वृद्धि गरेको छ । अवैध तस्करी नियन्त्रण गर्न नियमित निगरानी बढाइएको छ । सीमा क्षेत्रमा हुने अवैध गतिविधि रोक्न आगामी दिनमा थप कडा निगरानी र छानबिन गरिने बताएको छ ।
त्यसका लागि सशस्त्र प्रहरीले थप स्थायी रुपमा बोर्डर आउट पोष्टहरु निर्माणलाई पनि प्रथामिकता दिएको छ ।
सशस्त्र प्रहरी बल नेपाल, नम्बर १३ गण हेडक्वार्टर पर्साले मातहत स्थापना गरिएका बोर्डर आउट पोष्ट (बिओपी) को भवन निर्माणका लागि जग्गा खोजी कार्यलाई पनि जारी राखेको छ । सशस्त्र प्रहरीको वोर्डर आउट पोष्ट निर्माणका लागि पर्साका तीन स्थानमा जग्गा प्राप्तीको लागि जिल्लाबाट आवश्यक प्रकृया पूरा भएको सशस्त्र प्रहरी उपरीक्षक राधेश्याम धिमालले बताए ।
उनका अनुसार पर्साको जगरनाथपुर गाउँपालिकाको पाँडेपुर, पिडरीगुठी, धोविनी गाउँपालिकाको भीखमपुर, जीराभवानी गाउँपालिकाको महादेवपट्टीमा स्थापना गरिएको सशस्त्र प्रहरी बोर्डर आउट पोष्ट ९बिओपी० को लागि जग्गा खोज्ने काम सकिएको छ ।
यी ठाउँहरुमा जग्गा निश्चित भएको र अब मन्त्रीपरिषदको निर्णयबाट स्वकृत भएर आएमा बीओपी भवन निर्माणका लागि बाटो खुला हुने सशस्त्र प्रहरी उपरीक्षक धिमालले बताए ।
