वीरगन्ज । वीरगन्जमा शनिबारदेखि अन्तर विद्यालय प्रथम छात्रा क्रिकेट तथा यु–१२ छात्र क्रिकेट प्रतियोगिता शुरु भएको छ । निजी तथा आवासीय विद्यालय संघ (प्याब्सन) वीरगन्ज महानगरको आयोजनामा शनिबारदेखि अन्तर विद्यालय प्रथम महिला क्रिकेट तथा १२ बर्षमुनीको पुरुष क्रिकेट प्रतियोगिता शुरु भएको हो ।
वीरगन्ज महानगरपालिका वडा नम्बर २४ स्थित ज्ञानदा एकेडेमीमा शुरु भएको प्रतियोगिताको वीरगन्ज महानगरपालिकाका उपमेयर इम्तियाज आलमले उदघाटन गरे । उदघाटन समारोहमा बोल्दै उपमेयर आलमले वीरगन्ज खेलकुदको उर्वरभूमि रहेकोले विद्यालयस्तरबाटै प्रतियोगिताको आयोजना गरे राष्ट्रिय तथा अन्तराष्ट्रियस्तरका खेलाडी उत्पादनमा सहयोग पुग्ने विश्वास व्यक्त गरे ।
प्याब्सन महानगर कमिटि अध्यक्ष राहुल श्रीवास्वको अध्यक्षतामा भएको उदघाटन समारोहमा क्रिकेट संघ नेपाल (क्यान) पर्साका अध्यक्ष मनिष सिंह, विद्यालय खेलकुद संघका अध्यक्ष आलोक चौरसिया, गौतम माविका निर्देशक सोनाम लामा लगायतको उपस्थिति रहेको थियो । प्रतियोगितामा छात्रातर्फ २१ वटा र छात्रतर्फ २० वटा विद्यालयले सहभागिता जनाएका छन् ।
सभागी विद्यालयको टिमलाई समूह ए र समूह बी दुई समूह बनाएर सहभागी गराईएको छ । छात्रातर्फ समूह ‘ए’ मा डीएभी आरबी केडिया स्कुल, ओम नेशनल एकेडेमी, जीवनज्योती मावि, मनकामना मावि, अलपाईन मावि, ज्ञानदा एकेडेमी, वीरगन्ज एकेडेमी, चिल्ड्रेन वर्ल्ड, सनसाईन एकेडेमी, एसआर ग्यालेक्सी स्कुल रहेका छन् ।
त्यस्तै समूह ‘बी’ मा माउण्ट मकालु, कालिकामाई एकेडेमी, विद्या सागर मावि, गौतम स्कुल, सनलाईट मावि, लिटिल एञ्जल्स स्कुल, मिनील्याण्ड मावि, लिटिल फ्लावर, मालिनी एकेडेमी, न्यू वेभ मावि, र मुनलाईट मावि रहेका छन् ।
त्यस्तै यु–१२ को छात्रतर्फ समूह ‘ए’ मा कालिकामाई एकेडेमी, लिटिल एञ्जल्स, एसआर ग्यालेक्सी, न्यू वेभ, अलपाईन, मिनील्याण्ड, गौतम मावि, सनलाईट स्कुल, लिटिल फ्लावर, ओम नेशनल एकेडेमी रहेका छन् ।
त्यस्तै समूह ‘बी’ तर्फ मुनलाईट मावि, विद्यासागर मावि, मालिनी एकेडेमी, ज्ञानदा एकेडेमी, वीरगन्ज एकेडेमी, माउण्ट माकालु स्कुल, मनकामना मावि, चिल्ड्रेन वर्ल्ड स्कुल र जीवनज्योती मावि रहेका छन् ।
