वीरगन्ज । बाराको परवानीपुरमा आजदेखि शुरु भएको चौथो परवानीपुर गोल्डकप फुटबल प्रतियोगितामा रोमन फुटबल क्लब सर्लाहीले विजयी शुरूवात गरेको छ ।
वीरगन्ज महानगरपालिका वडा नम्बर २१ परवानीपुर खेल मैदानमा आज भएको फुटबल प्रतियोगिताको उदघाटन खेलमा आयोजक शक्ति युवा क्लबलाई ३–० गोलले पराजित गर्दै रोम फुटबल क्लबले विजयी शुरुवात गरेको हो ।
भोलीको खेल हेटौडा फूटबल क्लब मकवानपुर र नवजनजागृती युवा क्लब सिमरा बाराबीच हुने आयोजक संस्थाका अध्यक्ष अख्तरअलीले जानकारी दिनुभयो ।
प्रतियोगितामा आयोजक सहित वीरगन्ज युनाईटेड, रोमन फुटबल क्लब सर्लाही, हेटौंडा फुटबल क्लब मकवानपुर, नवजनजागृति युवा क्लब सिमरा बारा, केबिए ग्लोबल बिएपफसी चितवन, बेन्खाडी युथ क्लब महोत्तरी र जनकपुर स्पोट्र्स क्लब जकपुरगरी आठवटा टिम सहभागी रहेका छन् ।
प्रतियोगितामा प्रथम हुने टिमलाई नगद तीन लाख एक हजार र दोस्रो विजेतालाई नगद एक लाख एकाउन्न हजार सहित ट्रफी, मेडल तथा प्रमाणपत्र प्रदान गरिने छ ।
त्यस्तै प्रतियोगिताको मैन अफ द टुर्नामेण्टलाई नगद ३५ हजार को साथै ट्रफी, मैन अफ दी मैचलाई नगद पाँच हजार र ट्रफी, उत्कृष्ट गोलकिपर, मिड फिल्डर, उत्कृष्ट डिफेन्डर, खेलको उत्कृष्ट स्ट्राईकरलाई जनही नगद सात हजार पाँच सय सहित ट्रफी प्रदान गरिने आयोजकले जनाएको छ ।
