वीरगन्ज । सनलाईट प्लसटु कलेजमा भर्ना भएका कक्षा ११ र बीबीए प्रथम बर्षका विद्यार्थीहरुको लागि स्वागत कार्यक्रमको आयोजना गरेको छ । वीरगन्जको होटल भिस्वामा आयोजना गरिएको कार्यक्रमको प्रमुख अतिथि शिक्षा विकास समन्वय इकाई पर्साका प्रमुख मोती प्रसाद भट्टले उदघाटन गरेका थिए ।
क्याम्पसका सञ्चालक अध्यक्ष डिके चौरसियाको अध्यक्षतामा भएको कार्यक्रममा कक्षा ११ मा भर्ना भएका र बीबीएमा भर्ना भएका नयाँ विद्यार्थीहरुलाई स्वागत गरिएको छ । उनीहरुलाई आफ्नो भविष्य निर्माणका लागि लक्ष्य निर्धारण गरेर लगनशील भएर मेहेनत गर्न वत्ताहरुले सुझाव दिएका थिए ।
कार्यक्रममा प्रमुख अतिथि शिक्षा विकास समन्वय इकाई प्रमुख मोती प्रसाद भट्ट, ठाकुराम बहुमुखी क्याम्पसका पूर्व प्रमुख डाक्टर उमेश प्रसाद चौरसिया, tribunenewsnp.com का सम्पादक निरज पिठाकोटे मगर, प्याब्सन पर्साका पूर्व अध्यक्ष तथा सल्लाहाकार इमामुद्दीन अहमद लगायतले शुभकामना मन्तव्य व्यक्त गरेका थिए ।
कार्यक्रममा प्याब्सन महानगर अध्यक्ष राहुल श्रीवास्तव, लिटल बडी प्रि–स्कुलका प्रिन्सिपल विजय बल, लिटिल एञ्जल्स विद्यालयका प्रिन्सिपल सन्नी पाख्रिन लगायत सञ्चारकर्मीहरुको उपस्थिति रहेको थियो । कार्यक्रममा स्वागत सनलाईट स्कुल कलेका प्रिन्सिपल आलोक चौरसियाले गरेका थिए , भने सहजीकरण कलेका शिक्षक बलराम श्रेष्ठले गरेका थिए ।
कार्यक्रममा रिदम बानियाँ क्षेत्रीले उत्प्रेणा जगाउने प्रशिक्षण दिएका थिए। सनलाईट कलेजले यसबर्षदेखि रजर्षी जनक विश्वविद्यालयको बीबीए कार्यक्रमको सम्बन्धन प्राप्त गरेर अध्यापन शुरु गरेको छ ।
