वीरगन्ज । २४ औं सशस्त्र प्रहरी दिवसको अवसरमा वीरगन्जमा रक्तदानको आयोजना गरिएको सशस्त्र प्रहरी बल नेपाल नम्बर १३ गण हेडक्वार्टर पर्साले रक्तदानको आयोजना गरेको छ।
वीरगन्ज महानगरपालिका वडा नम्बर १४ चिनिमिल आवासक्षेत्र स्थित सशस्त्र प्रहरी बल नेपाल १३ नम्बर गण हेडक्वाटर पसा कार्यलय परिसरमा आयोजना गरेको कार्यक्रममा १ महिला सहित ५७ जनाले रक्तदान गरेको सशस्त्र प्रहरी प्रवक्ता प्रहरी नायव उपरीक्षक नरेन्द्र सिंह धामीले जानकारी दिए ।
कार्यक्रममा राजु पटेल, केदार तिमिल्सिना, सागर यादव, मान बहादुर श्रेष्ठ, सरफुदिन हवारी लगायतले रक्तदान गरेको रक्तसञ्चार केन्द्र वीरगन्जका प्राविधिक जितेन्द्र कुश्वाहले जानकारी दिनुभयो ।
रक्तदान कार्यक्रममा वीरगंज रक्तसंचार केन्द्रका प्राबिधिकहरुले सहयोग गरेका थिए । नेपाल रेडक्रस सोसाईटी पर्साको सहकार्यमा भएको रक्तदानमा वीरगंज महानगरपालिकाका नगर प्रमुख राजेशमान सिंहको प्रमुख आतिथ्यता रहेको थियो ।
कार्यक्रममा नं.१३ गणका गणपति सशस्त्र प्रहरी उपरीक्षक राधेश्याम धिमाल, जिल्ला प्रहरी कार्यालय पर्साका प्रहरी उपरीक्षक कुमोध ढुङ्गेल, नेपाली सेनाका सेनानी देव बहादुर बोहरा लगायतको उपस्थिति रहेको थियो ।
