वीरगन्ज । शनिबारदेखि शुरु भएको एनआई कप क्रिकेटमा ग्लोबल विजनेश कलेज र सेण्ट जेभियर्स कलेज विजयी भएका छन् ।
नेशनल इन्फोटेक कलेजको आयोजनामा वीरगन्जको नारायणी स्टेडियममा सुरु भएको प्रतियोगिताको उद्घाटन खेलमा ग्लोबल बिजनेस कलेज आयोजक एनआईलाई २६ रनले पराजित गर्दै विजयी शुरुवात गरेको हो ।
आयोजक एनआईले टस जितेर फिल्डिङ रोजेपछि पहिले ब्याटिङको निम्तो पाएको ग्लोबल विजनेशले निर्धारित १० ओभरको खेलमा ८३ रनको योगफल तयार पारेको थियो ।
८४ रनको लक्ष्य सहित जवाफी व्याटिङ गरेको एनआई निर्धारित ओभरमा ५७ रनमै अलआउट भयो । त्यस्तै दोश्रो खेल सेण्ट जेभियर्सले जितेको छ । सेण्ट जेभियर्सले वीरगन्ज कलेजलाई ३५ रनले पराजित गरेको हो । यी दुईबीचको खेल १४ ओभरको खेलाईएको थियो ।
वीरगन्जको नारायणी स्टेडियममा टस जितेर ब्याटिङ गरेको सेन्ट जेभियर्सले १७ ओभरमा ८ विकेट गुमाएर एक सय २३ रन बनाएको थियो । जवाफी ब्याटिङ गरेको वीरगन्ज कलेज १७ ओभर खेलेर ८ विकेटको क्षतिमा ८८ रनमै समेटियो ।
