सुनसरी । सुनसरी प्रहरीले हितयार सहित एकजनालाई पक्राउ गरेको छ । सुनसरीको भोक्राहा नरसिंह गाउँपालिका–२ अकाहा बजार स्थितबाट चाईनिज पेस्तोल सहित ३८ बर्षीय शमसेर आलमलाई प्रहरीले पक्राउ गरेको हो ।
बिशेष सुचनाको आधारमा जिल्ला प्रहरी कार्यालय सुनसरीबाट गएराति ९ बजे प्रहरी नायव उपरीक्षक राम प्रसाद तिमल्सिनाको नेतृत्वमा खटिएको प्रहरी टोलीले खुर्सिद आलमको घर खानतलासी गर्ने क्रममा घरको भान्छा कोठा भित्र प्लास्टिकले बेरेर लुकाई छिपाई राखेको अवैध चाईनिज पेस्तोल १ थान, म्यागजिन १ थान र २ राउण्ड गोली सहित शमसेर आलमलाई नियन्त्रणमा लिएको हो ।
घर धनी खुर्सित आलम भने फरार रहेका छन् । उनको खोजतलास भई रहेको जिल्ला प्रहरी कार्यालय सुनसरीले जनाएको छ । पेस्तोल सहित पक्राउ परेका आलमको जिल्ला प्रहरी कार्यालय सुनसरीबाट कानुनि कारवाही तथा आवश्यक थप अनुसन्धान भईरहेको सुनसरी प्रहरीले जनाएको छ ।
