वीरगन्ज । सशस्त्र प्रहरी बल नं. १३ गण पर्सा र वीरगन्ज भन्सार कार्यालयको संयुक्त टोलीले झण्डै १२ लाख बराबरको भन्सार छलिको सामान बरामद गरेको छ ।
सशस्त्र प्रहरी बल नेपाल नं.१३ गण हेडक्वाटर पर्सा, प्रस्तावित सीमा सुरक्षा बल वीरगन्ज र वीरगन्ज भन्सार कार्यालयको संयुक्त टोलीले ६ लाख १४ हजार ४ सयको कपडा र ५ लाख ८२ हजार ३ सय बराबरको भन्सार छलीका सामान गरी ११ लाख ९६ हजार ७ सय रुपैंया बराबरको सामान बरामद गरेको हो ।
१३ नम्बर गणको बिशेष सूचनाको आधरमा प्रस्तावित सीमा सुरक्षा गुल्म बिरगंजाट सशस्त्र प्रहरी नायव उपरीक्षक सुरज रिजालको कमाण्डमा १३ नम्बर गणका सशस्त्र प्रहरी निरीक्षक बैजनाथ चौधरी सहित खटिएको टोली र बिरगंज भन्सार कार्यालयबाट नायव सुब्बा सुवर्ण पौडेलको नेतृत्वको ३ जना सहितको संयुक्त टोलीले सामान बरामद गरेको हो ।
संयुक्त टोलीले वीरगन्ज महानगरपालिका वडा नम्बर–१० आदर्शनगर स्थित राजेन्द्र बरैको घरमा गोदाम गरि राखिएको ६ लाख १४ हजार ४०० को कपडा र वीरगन्ज–१३ तेजारथटोल स्थित शाह दरबार पार्टी प्यालेसमा अबैध रुपमा गोदाम गरी राखेको ५ लाख ८२ हजार
तीनसय बराबरको काजु र खजुर गरी जम्मा ११ लाख ९६ हजार ७०० बराबरको काजु र खजुर बरामद गरेको सशस्त्र प्रहरी बल नेपाल १३ नम्बर गणका सूचना अधिकारी सशस्त्र प्रहरी नायव उपरीक्षक बिष्णुहरि घिमिरेले जानकारी दिए ।
बरामद गरिएको सामान आवश्यक कारवाहीका लागस आज दिउँसो साढे दुई बजेको समयमा बिरगंज भन्सार कार्यालय पर्सामा बुझाएको सशस्त्र प्रहरी नायव उपरीक्षक घिमिरेले बताए।
