वीरगन्ज । वीरगन्जमा जारी कर्पोरेट सुपर सिक्स क्रिकेट प्रतियोगितामा आज ओम्नी ग्रुप विजयी भएको छ । चार समूह मध्य समूह डी बाट ओम्नी र सुप्रिमबीच आज आदर्शनगर रंगशालामा भएको खेलमा ओम्नी २ रनले विजयी भएको हो ।
सुप्रिमले दिएको ५७ रनको लक्ष्य ओम्नीले चार बाँकी छदै भेटायो । लायन्स क्लब अफ वीरगन्ज परिवार र वीरगन्ज स्पोर्ट्स एकेडेको संयुक्त आयोजनामा शनिबार उदघाटन भएको प्रतियोगितामा समूह ए बाट सिद्धार्थ बैंक र बि बाट हिमालयन बैंक लिमिटेड सेमिफाईनलमा पुगेका छन् ।
भोलीको खेल समूह डी को अग्नी ग्रुप र ओम्नी ग्रुपबीच हुने लायन्स क्लब अफ वीरगन्ज परिवारका अध्यक्ष भानुभक्त अधिकारीले जानकारी दिए । प्रतियोगितामा वीरगन्जका वाणिज्य बैंक, वीमा कम्पनी, विकास बैंक तथा औद्योगिक प्रतिष्ठान गरी १६ वटा टिम सहभागी रहको आयोजकले जनाएको छ । प्रतियोगिताको फाईनल खेल शनिबार हुनेछ ।
