वीरगन्ज। रौतहटमा पेस्तोलसहित एक जना भारतीय नागरिक पक्राउ परेका छन् । रौतहटको राजदेवी नगरपालिका–९ ब्रहमपुरीबाट ४२ वर्षीय राजेश सिंह सोमबार दिउँसो पक्राउ परेका हुन् ।
सशस्त्रको बेलविछवा बीओपीको टोलीले संजिव सिंहको भट्टी पसलबाट उनलाई नियन्त्रणमा लिएको हो । उनको साथबाट एउटा कुवा पेस्तोलसहित त्यसमा लाग्ने तीन राउण्ड गोली र एउटा खोका बरामद भएको छ ।
ADVERTISEMENT
संजिव सिंह उनको नाता भिनाजु पर्ने हुन् । पक्राउ परेका सिंहलाई नेपाल प्रहरीलाई जिम्मा लगाईएको सशस्त्र प्रहरीले जनाएको छ ।
