वीरगन्ज । अत्यधिक गर्मीले चलाई रहेको मोटरसाईकल मै आगो लागेको छ । वीरगन्जको नेपाल राष्ट्र बैंकतर्फबाट चलाएर आउदै गरेको मोटरसाईकल नेपाल इन्भेष्टमेन्ट मेगा बैंक अगाडि आईपुग्दा आगो लागेको हो ।
आगो लागेपछि चालकले ंरोकेर निभाउन खोज्दा झन फैलिएर बैक अगाडि रोकि राखिएको अर्को मोटरसाईकलमा पनि आगो लागेको वडा प्रहरी कार्यालय वीर्ताका प्रहरी निरीक्षक पुष्कर बोगटीले जानकारी दिए ।
वीरगन्जको आदर्शनगरमा दुईवटा मोटरसाईकलमा अचानक आगो लागेको हो । प्रहरीका अनुसार वीरगन्ज महानगरपालिका वडा नम्बर ३ बस्ने सत्य कुमार यादवको प्रदेश ०२–०३–१ ८ प ८२१९ नम्बरको कालो रातो पल्सर र वीरगन्ज महानगरपालिका वडा नम्बर २० हरपतगंजका मिथिलेश कुमार यादवको प्रदेश ०२–०३–००१ प ८९०४ नम्बरको रातो कालो पल्सर आगोले जलेर पूर्ण रुपमा क्षति प्रहरी निरीक्षक बोगटीले बताए ।
घटनाको अनुसन्धानका लागि घटना प्रकृति मुचुल्का तयारी गरिएको उनले बताए । चर्को गर्मीले धेरै हिट भएर आगोलागेको हुनसक्ने प्रहरीको प्रारम्भिक अनुमान छ । मोटरसाईकलमा लागेको आगोले त्यहि नजिकै पोलमा समेत सल्किएर टेलिफोन र इन्टरनेटको तारमा समेत क्षति पुगेको छ ।
