वीरगन्ज । वीरगन्जको लिंकरोड स्थित डिएन अरविन्द इन्टरप्राईजेजमा सशस्त्र प्रहरीले छापा मारेको छ ।
सशस्त्र प्रहरी प्रस्तावित गुल्म वीरगन्ज भन्सार कार्यालयको टोलीले लिंकरोड स्थित विनोद मण्डलको गोदाम पसलमा छापा मारेर समरसेल पम्प, पाईप, हार्डवेयर विद्युतीय सामग्री लगायतका सामान बरामद गरेको सशस्त्र प्रहरी नायव उपरीक्षक सुरज रिजालले जानकारी दिए ।
ADVERTISEMENT
भन्सार छलिको सामान गोदाममा भण्डारण गरि राखिएको सूचनाका आधारमा सशस्त्र प्रहरी नायव उपरीक्षक सुरज रिजालको नेतृत्वमा रहेको सशस्त्र प्रहरी टोलीले आईतबार दिउँसो छापा मारेर पाँचलाख बराबरको सामान बरामद गरेको हो ।
बरामद सामान आवश्यक कारवाहीका लागि वीरगन्ज भन्सार कार्यालयमा बुझाईने सशस्त्र प्रहरी नायव उपरीक्षक रिजालले बताए ।
