वीरगन्ज, २३ जेठ । विश्व वातावरण दिवसको अवसरमा वीरगन्जमा बृहत वृक्षरोपण गरिएको छ । बिरगंज महानगरपालिका वडा नम्बर १५ स्थित भिष्वा विहारमा वृक्षरोपण गरेको हो ।
भारतीय महावाणिज्य दूतावास वीरगंज र ग्रीन सिटी समुदायिक प्रहरी सेवा केन्द्र आदर्श नगर तथा ग्रिन सिटी समुदायिक सेवा केन्द्र आदर्श नगर १० वीरगंज पर्साको संयुक्त आयोजनामा विभिन्न प्रकारका आठ सय विरुवा रोपिएको छ ।
कार्यक्रमका प्रमुख अतिथि जिल्ला प्रशासन कार्यालय बिरगंज पर्साका प्रमुख प्रमुख जिल्ला अधिकारी दिनेश सागर भुषालको उपस्थितिमा ग्रिनसिटी सामुदायिक प्रहरी सेवा केन्द्रका अध्यक्ष जयप्रकाश खेतानको अध्यक्षतामा वृक्षरोपण गरिएको हो ।
कार्यक्रममा सहायक प्रमुख जिल्ला अधिकारी उत्तम कुमार घिमिरे र सानु बाबु अधिकारी, सशस्त्र प्रहरी उपरीक्षक राधेश्याम धिमाल, भारतीय महावाणिज्य दूतावासका महावाणिज्यदूत देवी सहाय मीणा लगायत विभिन्न सरकारी, गैर सरकारी संघसंस्थाका प्रतिनिधिहरुको उपस्थिति रहेको थियो ।
