वीरगन्ज । वीरगन्ज महानगरपालिका वडा नम्बर–१४ पिपराको बौद्धीमाई स्थित बाबा वनस्थली इंग्लिश बोर्डिङ्ग स्कूलको पाँचौ बार्षिक अभिभावक दिवस सम्पन्न भएको छ ।
अभिभावक दिवसको प्रमुख अतिथि वीरगन्ज महानगपालिका उपप्रमुख इम्तियाज आलमले दीप प्रजवलन गरी उदघाटन गरेका थिए । कार्यक्रममा विद्यालयले आयोजना गरेको विभिन्न खेलकुद प्रतियोगितामा प्रथम द्वितीय, तृतीय स्थान हासिल गरेका विद्यार्थीहरुलाई प्रमाण–पत्र मेडल पुरस्कार वितरण गरिएको थियो ।
कार्यक्रममा स्कूलकी प्रधानाध्यापक रोशनी कुमारी र सञ्चालक रामजी दासले ७ जना अभिभावकहरुलाई फूलमाला लगाई सम्मान गरेका थिए । कार्यक्रममा वीरगन्ज महानगपालिका शैक्षिक प्रशासन प्रमुख हरि राउत, युवा संघ नेपालका केन्द्रीय सदस्य अनिल पटेल, वडा नं १४ का पूर्व वडा अध्यक्ष भरत कुर्मी, समाजसेवी जगमोहन पटेल, डाक्टर अशोक दास लगायतले शुभकामना मन्तब्य राखेका थिए ।
सहभागी सबै अतिथिहरुलाई स्कूलका सञ्चालक रामजी दासले मायाको चिनो प्रदान गरेका थिए । विद्यालयका विद्यार्थीहरुले विभिन्न सांस्कृतिक कार्यक्रम सहित मनोरञ्जनात्मक कला प्रस्तुत गरेका थिए । कार्यक्रमको सञ्चालन आरजु देवकोटाले गरेकी थिईन् ।
