वीरगन्ज । वीरगन्जको मुटु माईस्थानमा खेलकुद र गीत संगीतको सामग्री विक्री गर्ने नाराीयणी स्पोर्ट्स सेन्टर खुलेको छ । माईस्थान चोक र गहवामाई मन्दिरकोबीच सडकको दक्षिणतर्फको भवनमा खुलेको स्पोटर््स सेण्टरको वीरगन्ज महानगरपालिकाका नगर प्रमुख राजेशमान सिंहले उदघाटन गरेका छन् ।
उद्घाटनका क्रममा मेयर सिंहले व्यापार व्यवसाय गर्नेहरुमा धैर्यता कम हुने प्रवृत्ति रहेको भन्दै व्यावसायमा फाईदा भएन भन्दै तुरुन्तै व्यावसाय नै छोडिहाल्न नहुने बताए ।
खेलकुदप्रति आममानिसको आकर्षण बढ्दै गएको र आवश्यक सामाग्रीहरुको सहज उपलब्धताले खेलकुदमा विकास गर्न टेवा पुग्ने बताउदै उनले नारायणी स्पोर्ट्सले शुरु गरेको व्यावसायलेको सम्भावना रहेको बताए । व्यावसायमा नआत्तिकन निश्चिन्त भएर आफ्नो व्यावसायमा लाग्न सुझाव दिए ।
शनिबार उदघाटन गरिएको स्पोर्ट्स सेण्टरमा खेलकुद र संगीतका सबै सामानहरु एकै ठाउँमा पाईने सञ्चालिका बबिता शाक्यले बताईन् । खेलकुद र संगीतका गुणस्तरीय सामाग्रीहरु एकैठाउँबाट उपलब्ध गराउने उद्देश्यले स्पोर्ट्स सेण्टर सञ्चालनमा ल्याएको सञ्चालिका शाक्यले बताईन् । ३१ बर्षदेखि खेलकुद सामाग्रीकै व्यावसाय गर्दै आएको उक्त स्पोर्ट्स सेण्टरको बबिता दोश्रो पुस्ताकी सञ्चालिका हुन् ।
यसअघि उहाँको श्रीमानका परिवारले व्यावसाय गर्दै आएका थिए । व्यावसायमा पनि केही फरकपन ल्याउने र नयाँ पुस्ताका लागि आकर्षण गर्नका लागि पनि नयाँ तरिकाले व्यावसाय शुरु गरिएको बबिताले बताईन् ।
