वीरगन्ज । डिजेल, पेट्रोल, मट्टितेलको मूल्य फेरी बढेको छ । नेपाल आयल निगम सञ्चालक समितिको बिहीबार बेलुका बसेको बैठकले मध्यराति १२ बजेपछि मूल्य बढाउने निर्णय गरेको हो ।
भारतीय आयल कर्पोरेसनबाट प्रतिलिटर १.५६ रुपैयाँले मूल्य बढेर आएपनि निमगले प्रतिलिटर २ रुपैयाँले मूल्य बढाएको हो । निगमको निर्णय अनुसार डिजेल मट्टितेल र पेट्रोलमा प्रतिलिटर २ रुपैयाँले मूल्य बढेको छ ।
ADVERTISEMENT
बढेको मूल्य शुक्रबार विहान १ बजेदेखि नै लागू भएको छ । निगमका अनुसार हवाई इन्धन र खाना पकाउने ग्याँसको मूल्य यथावत छ ।
