वीरगन्ज । वीरगन्ज उद्योग वाणिज्य संघले नेपाली कांग्रेसका महामन्त्री गगन कुमार थापासँग देशको आर्थिक अवस्थाको बारेमा छलफल गरेका छन् । देशको संकुचित अर्थ व्यावस्थाबाट चिन्तित भएका उद्योगी व्यावसायीहरुले सत्तारुढ दल नेपाली कांग्रेसका महामन्त्री गगन कुमार थापालाई पनि देशको अर्थतन्त्रमा देखिएका समस्याहरुको बारेमा सुनाएका छन् ।
उद्योगी व्यावसायीले महामन्त्री थापालाई वीरगञ्ज उद्योग वाणिज्य संघका अध्यक्ष अनिल कुमार अग्रवालले मुलुक आजको आर्थिक अवस्था अत्यन्तै जटिल मोडमा रहेको सुनाए । आर्थिक वृद्धिदर २ देखी ३ प्रतिशतको हाराहरीमा सीमित रहकोमा चिन्ता व्यक्त गर्दै मुलुकको प्रमुख औद्योगिक कोरिडोरहरु वीरगञ्ज, बिराटनगर, भैरहवामा अघोषित लोडसेडिङ्गले उद्योगहरु आफ्नो क्षमताको २० देखि २५ प्रतिशतमा मात्र संचालन भईरहेको बताए ।
वीरगञ्जले राष्ट्रिय राजश्वमा झन्डै ५० प्रतिशत योगदान दिईरहेको भएपनि यसक्षेत्रको आर्थिक महत्व र सामर्थनलाई राज्यले प्राथमिकतामा नलिएकोमा दुख व्यक्त गरे । निजीक्षेत्रको आवाज सिंहदरवारले सुने जस्तो गरेपनि प्रभावकारी कार्यान्वयन नभएको बताए ।
वीरगञ्ज उद्योग वाणिज्य संघका बरिष्ठ उपाध्यक्ष हरिप्रसाद गौतमले उद्योगी व्यवासायीहरुले उठाउदै आएको उद्यारो कानुन, भ्रष्टाचार नियन्त्रण, नियमित बिद्युत आपूर्ति लगायतका बिषयमा सत्तारुढ दलका जिम्मेवार व्यक्ति भएकोले यसमा ध्यानाकर्षण गराएका थिए ।
कर, भन्सार, राजश्वका अपारदर्शी निती नियमलाई पारदर्शी र उद्योगमैत्री बनाउन सुझाव दिदै संघका उपाध्यक्ष माधव राजपालले अगामी आर्थिक बर्षको बजेटले उद्योग, व्यापारसँगै वीरगञ्जलाई विशेष प्राथमिकतामा राख्न पनि उनले आग्रह गरेका थिए । नेपाल औषधी व्यवसायी संघका केन्द्रीय अध्यक्ष प्रकाश खण्डेलवालले आफु अनुकुल नीति बनाउने सरकारले निजी क्षेत्रको सुझाव र सल्लाहलाई सरकारले बेवास्ता गर्ने गरेको बताए ।
निजीक्षेत्रले लगानी गर्ने बिषयगत क्षेत्रहरु अझै पनि स्पष्ट हुन नसकेको बताए । उद्योगी व्यावसायीहरुको गुनासो सुनेपछि महामन्त्री थापालेसमग्र मुलुकको आर्थिक सम्मुनति उद्योग, व्यापार, कृषि तथा सेवा क्षेत्रको विकासबाट मात्रै सम्भव हुने बताए ।
मुलुकमा व्याप्त निराशालाई चिर्न कांग्रेसले समुदायमा कांग्रेस अभियान शुरु गरेको र त्यहि सिलसिलामा आफू मेची महाकाली यात्रामा निस्किएको बताउँदै अहिलेको आर्थिक गतिहिनता, बढ्दो भ्रष्टाचार, सर्वसाधारणले पाउने सेवा सुबिधामा ढिला सुस्ती जस्ता समस्यालाई सहज बनाउने तर्फ सरकारले काम गरिरहेको बताए ।
उद्योग, व्यापार, कृषि, पर्यटन, सवास्थ्य, शिक्षा लगायतका क्षेत्रमा बजेट बिनियोजनको प्रकृयामा केही परिमार्जन गर्ने तयारी रहेको बताउदै यसपटक परम्परागत बजेट निर्माणको प्रकृया भन्दा पृथक र सन्तुलित हुने विश्वास व्यक्त गरे । वीरगञ्जका उद्योगी व्यावसायीहरुले राखेको गुनासो र सुझावहरुलाई सकारात्मक रुपमा लिईएको र सम्बोधनमा पनि पहल गर्ने आश्वासन दिए ।
