वीरगन्ज । नदिजन्य पदार्थको उत्खनन् गरेको ट्याक्टर फेरी नियन्त्रणमा लिएको छ । पर्साको पर्सागढी नगरपालिका वडा नम्बर ३ को कर्जनाह खोलाबाट अवैध रुपमा नदिजन्य पदार्थ उत्खनन् गरेको ट्याक्टर इलाका प्रहरी कार्यालय पटेर्वा सुगौली मातहतको प्रहरी चौकी बडनिहारबाट गएको प्रहरीले नियन्त्रणमा लिएको हो ।
कर्जनाहा खोलाबाट अवैध रुपमा बालुवा उत्खनन् गरेर ल्याउदै गरेको अवस्थामा नम्बर नखुलेको ट्याक्टर प्रहरीले नियन्त्रणमा लिएको इलाका प्रहरी कार्यालय पटेर्वा सुगौलीका प्रहरी निरीक्षक रामराजा केशरीले जानकारी दिनुभयो । यस्तै सोही टोलीले काचो सालको दाउरा सहित पाँचवटा साईकल समेत बरामद गरेको छ ।
राष्ट्रिय वनबाट अवैध रुपमा रुख कटान गरी ल्याई रहेको काँचो सालको दाउरा र साईकल बरामद गरेको हो । बरामद गरिएको काँचो दाउरा र साईकल डिभिजन वन कार्यालय बडनिहारमा राखिएको छ । त्यसैगरी वीरगन्ज महानगरपालिका वडा नम्बर ३१ इस्लामपुरबाट अवैध काठको गोलाई बरामद गरेको छ ।
प्रहरी चौकी मिलन चौकबाट प्रहरी सहायक निरीक्षक प्रमोद साह तेलीको नेतृत्वमा गएको प्रहरी टोलीले इस्लामपुरबाट २ फिट गोलाई र ५ फिट लम्बाईको सालको गोलिया काठ बरामद गरेको इलाका प्रहरी कार्यालय पटेर्वा सुगौलीका प्रहरी निरीक्षक केशरीले बताउनुभयो ।
