वीरगन्ज । वीरगन्जमा जारी प्रो क्लब च्याम्पियनशिप टि–२० क्रिकेट प्रतियोगितामा आज एउटा मात्रै खेल हुदैछ । आजको खेल पर्सा ११ र सशस्त्र प्रहरीको एपीएफ क्लबीच हुनेछ ।
यी दुई टिमबीचको खेल बिहान ११ बजे नारायणी क्रिकेट मैदानमा हुने पर्सा क्रिकेट संघका अध्यक्ष मनिष सिंहले जानकारी दिए । हिजो भएको खेलमा नेपाल आर्मी र नेपाल प्रहरी विजयी भएका छन् ।
हिजो भएको पहिलो खेलमा त्रिभुवन आर्मी सशस्त्र प्रहरीलाई २६ रनले हराएको हो । टस जितेर पहिले ब्याटिङ रोजेको आर्मीले २० ओभरमा ८ विकेट गुमाएर १ सय १४ रन बनायो ।
जवाफी ब्याटिङ गरेको सशस्त्र १९ ओभरमा ८८ रन बनाएर अलआउट भएको थियो । त्यस्तै हिजोै सम्पन्न दोस्रो खेलमा नेपाल पुलिस क्लव बिजयी भएको छ । पुलिसले वण्डर्स क्लव नोयडालाई ६ विकेटलाई पराजित गरेको हो ।
नोयडाले दिएको लक्ष्य पुलिसले १२ ओभर २ बलमा चार विकेट गुमाएर भेट्टायो । त्यसअघि पहिले ब्याटिङ गरेको नोयडाले २० ओभर खेलेर ६ विकेटको क्षतिमा ८५ रनको सामान्य लक्ष्य दिएको थियो ।
