वीरगन्ज । वीरगन्ज उद्योग वाणिज्य संघले पर्सामा सरुवा भएर आएका प्रमुख जिल्ला अधिकारी दिनेश सागर भूषाललाई स्वागत गरेको छ । संघले बुधबार आयोजना गरेको कार्यक्रममा प्रमुख जिल्ला अधिकारी भूषाललाई स्वागत गरेको हो । स्वागत कार्यक्रमपछि मन्तव्य राख्दै पर्सा जिल्लावासीको शान्ति सुरक्षा तथा अमनचैन कायम राख्न आपूmले कुनै कसर बाँकी नराख्ने बताए ।
वीरगञ्ज आर्थिक नगर भएकोले यसको महत्व र उपादेयतालाई मध्यनजर गर्दै उद्योग, व्यापारको विकास र प्रबद्र्धनका क्षेत्रमा आफ्नो सक्रिय भूमिका रहने प्रतिवद्धता व्यक्त गरे । शान्ति सुरक्षाको व्यवस्था मिलाउने बताउदै पर्सा जिल्लामा सरकारी कार्यालयहरु लगायत सम्पूर्ण सेवाहरुको सुशासनको प्रबद्र्धन गरिने, सिमावर्ती समस्या लगायतका क्षेत्रहरुमा गैरकानूनी आर्थिक क्रियाकलापको नियन्त्रण तथा विकास निर्माढामा भइरहेको ढिलाइको अत्य गरी निर्माणलाई तीब्र बढाउन सम्बद्ध पक्षलाई निर्देशन दिने बताए ।
वीरगञ्ज उद्योग वाणिज्य सङ्घका अध्यक्ष अनिलकुमार अग्रवालले वीरगंज लगायत क्षेत्रमा कायम रहेको शान्ति सु–व्यवस्थालाई अझ प्रभावकारी बनाउनुपर्ने, सिमा सुरक्षा सम्बन्धी बैठक नियमित रुपमा हुनुपर्ने बताउँदै वीरगञ्जमा सिसिटिभी परियोजनाको लागि बजेट विनियोजनका लागि प्रजिअ भूसालसँग आग्रह गरे ।
कार्यक्रममा वीउवासङ्घका नि.अध्यक्ष तथा नेउवामहासङ्घका कार्यकारिणी सदस्य डा. सुबोधकुमार गुप्ताले सङ्घको ऐतिहासिक पृष्ठभूमि, यस क्षेत्रको बढ्दो आर्थिक महत्व र बोकेको अपार सम्भावना व्यक्त गर्दै यस क्षेत्रका सामु रहेको चुनौती तथा उद्योगी व्यवसायीहरुले भोगिरहेको समस्याहरु बारे प्रकाश पारेका थिए ।
कार्यक्रममा सङ्घका वरिष्ठ उपाध्यक्ष हरि गौतम, उपाध्यक्षद्वय माधव राजपाल र मनोजकुमार दास, पूर्व अध्यक्ष अशोककुमार वैध, नि.अध्यक्ष डा. सुबोधकुमार गुप्ता, महासचिव आशीषकुमार लाठ, सचिवद्वय प्रेमचन्द्र गोयल र सुशान्त चाचान लगायतको उपस्थिति रहेको थियो ।
