वीरगन्ज । पूर्व प्रहरी बरिष्ठ उपरीक्षक (एसएसपी) अनुराग द्विवेदी राजनीतिमा प्रवेश गरेका छन् । उनले जनमत पार्टीको सदस्यता लिएर विधिवत रुपमा राजनीतिका यात्रा सुरु गरेका हुन् ।
प्रहरी बरिष्ठ उपरीक्षकबाट सेवा निवृत्त भएपछि द्विवेदीले मंगलबार जनमत पार्टीको काठमाडौं स्थित कार्यालयमा गएर पार्टीका अध्यक्ष डाक्टर सीके राउतबाट सदस्यता प्राप्त गरी विधिवत रुपमा जनमत पार्टीको सदस्य भएका हुन् । प्रहरी सेवामा रहेर काम गर्दा द्विवेदी सप्तरी, नुवाकोट लगायतका जिल्लाहरुमा प्रमुखको जिम्मेवारीमा रहेर काम गरेका थिए ।
ADVERTISEMENT
पर्सा निवासी द्विवेदीको पारिवारिक पृष्ठभूमि नेपाली कांग्रससँग नजिक रहेको मानिन्छ । उनी नेपाली कांग्रेसका पूर्व जिल्ला सभापति अजय द्विवेदीको नातामा भतिजा पर्छन् ।
